كانت تشخر زادت بن لادن

و اللاهي نشهدلك يا بن لادن يا مهف.فرقعتها الدنيا الكل و جبدت روحك و عملت مولا الدار موش هوني.و اهوكة توة قاعد توسع في بالك و تلعب في كاش كاش معا الاماريكان .و ساعة ساعة كي تقلق و يضربك الكبي تبعثلنا كاسات ولا زوز نفرهدو بيهم على رواحنا.اما اللي مغلب عليا و مطلعلي الدم ل راسي هو كونو سيادتك عامل فيها بطل و في بالك زعما هزيتلنا ريوسنا قدام التوريست.ما تخافش يا سي البطل المغوار.ريوسنا اللوطة بيك ولا بلاش.ومادام فما عباد كيفك في الدنيا وراس امك لا تتهز كي تبوس عينك.اما الله غالب.العزوزة هازها الواد وهي تقول العام صابة. تي احنا بالقدر معا وخياننا الاماريكان وحالتنا تكرب. خلي كي فسدتها معاهم.باللاهي قلي كي نستحقو فلوس(و احنا ديما مستحقين)اشكون بش يسلفنا تره?ايا ضم فمك خلينا نعانيو ما كتب بالساكتة