ايّا سيدي اااااااه.ارتيكل يعمل ستة و ستين كيف طحت عليه بالصدفة في انترنات
م العنوان تفهم كل شي.قالك يا سيدي بن سيدي: العراق: عاطل انجبت زوجته 6 توائم يطالب الحكومة برعايتهم
توّة 6 توائم و فهمناها, اما الحكومة انا واحد من ناس ما عرفتش على اناهي حكومة يحكي السيد.و زيد كي هوبطّال و سعدو مكبوب فاش قام عليه يجيب في 6 توائم فرد ضربة.تقولولي هاذاكا حكم ربي و الراجل الله غالب "فحل" فوق اللازم بشوية.ايييه.اما" الحكومة" ولو اني مافيباليش اللي فما حكومة في العراق. الله غالب ما نتبعش الاخبار. الحكومة جابتّو و نساتو باش تتلهالو بفروخو? هو يجربع و" الحكومة" تربي? ااااااااه, بالكشي يحكي ع الحكومة لمريكانية.هكّا نمشي معاك و نعطيك وذني.ياخي عاملين فيهم شويّة جماعة العراق? باش يكيدهم اليسد هاذا و المفرخ و امهم?تي لا يا راجل. ما ضاهرلي
5 commentaires:
فمّة مثل تونسي يقول : كي تجي تجي جملة و كي تمشي تقطّع السلاسل
الميزيريا كي تهبط تهبط فرد مرّة هههههههه لو كان جاء لاباس عليه و في بلاد غنيّة و آمنة و الرّعاية الصحِيّة متوفرة راهو يتمنّى في ظفر صغير واحد و دوايات هو و مرتو من غير أمل
إمّالا كيفاش العرب سعدهم مكبوب
Il n'a pas fait exprès. pour ta gouverne. Comme le stérile aussi, il n'a pas fait exprès d'etre stérile. C'est les base de la "vie". pour ta gouverne.
En plus, dans tout les pays du monde, y compris en Tunisie (un couple dansle sud il y a qlq mois a eu plusieurs bébé d'un coups), le gouvernemet s'engage à aider. C'est logique et Humain, et c'est couvert commme un evenement "heureux".
Le gouvernemenr irakien n'a pas de problème d'argent en tout cas, et il n'est pas difficile de trouver de l'aide colossale.
Yézziwou miTTanbir barka.
ézza7 éttwénssa : Lé Tar7mou wou Lé T5aliwou la3béd tar7am wou Lé T5alliwou Ra7mét rabbi Tahbét !!!
wine méchine !
Zawwéli.
الى سي التونسي الزوّالي: اولا: مرحبا بيك في محلي. ثانيا: حبيت نشكرك ع الاحاسيس النبيلة متاعك اللي انا في الحقيقة ما عنديش منها و مانيش ناوي تكون عندي نهار اخر.ثالثا: نشا الله الزواولة لكل كيفك.رابعا: التنبير نموت عليه و نفنى فيه.خامسا: و اخيرا اجابة على سوهالك: فين ماشين? انا واحد من ناس هابط للشط باش نعمل غطسة. خوك فغّمت و السخانة عملت فيّا.ايّا تخلط?ا
تعرفوشي إللي هالعراقي، مراتو كانت عندها علاقة مع رئيس الجمهورية العراقية، وبالتالي راجلها عندو الحق يطلب المساعدة. ياخي المعارضة ما طلبتش المساعدة متاع الأمريكان باش "تحرر" البلاد من الطاغية صدام وجماعتو؟ يلزم الحق يرجع لصحابو... أما حكاية الإنسانية وواجب الحكومة، راهي كي خرافة أمي سيسي...
فمة مثل تونسي يقول ما دواء الكساد كان الفساد أما كان جاء الفساد هكة الواحد يقعد كاسد واحدو خير مللي كاسد ومعاه13 رقبة يا بو قلب يحبلهم ميني حافلة متاع الكشافة وبربي بالمناسبة انا صدر رحب باش يكفيهم ما حلها كان حليب الغبرة وربي يكون
Enregistrer un commentaire