lundi 17 décembre 2007

نشا الله كل شي بالبركة


ايا قلنا السلام عليكم

عندي مدة على تدوينة.و اللاهي, ما عنكم علاش تحلفوني, التدوين خلى عليا بلاصة و ربي تستر لا يوليلي محنة و نوللي مثلا نحشش على تدوينة.حاسيلو. الحي روح كيما يقولو و بقدرة ربي باش نرجع نصول و نجول بتمخويري.

مخ الهدرة: تدوينة ليوم حبيت نهني فيها جنينة البلفيدير اللي انزادلها 4 اشبال (قولو تبارك الله) في المدة اللي تعدات.اي نعم .4 ضربة وحدة.معناها عمك الصيد طلع عندو ما يقول في روحو.خمسة و خميس ع الكفاءات التونسية.هاي الرجال( نقصد الصيودة) ولا لوح.و نزيدكم زيادة السيد راهو كان معمل على اكثر.اما اهوكة ماخذة خاطر في جماعة التنظيم العايلي.مشقيين رواحهم و باعثينلو مرشدة اجتماعية حتى للقفص.اي عاد قال ما يجيش منو نلويو العصا في يديهم

يا سيدي يترباو في عزكم (ولا هو في قفصكم )ونشا الله يطلعو م الذرية الصالحة.و بقدرة ربي دوب ما نتفاضا نجي نعمل طلة.مني نهني و مني ناخذ بايي في الزرير

2 commentaires:

medjri a dit…

Ena ki rit lgort, 9olt hetha bech ya7kilna 3la 3allouchou elli 5dheh!:D
Ama rahou une fois wallit teblogui, ça y est twalli m7achech 3al blog w tetfa99ed fih w chkoun jé w chkoun kteb 7aja jdida..
Ena wallit maghroum b'etdoulich fi chere3 l7oriya, yesser jaw l7a9, continues! ;)

Anonyme a dit…

aya enchalle mabrouk w wallahi ya3tih essaha elsid ki itla3 ye5ou bil5ater w erdha eb4 akahaw hassilou enchlla yatl3oulou mildheria elsal7a