اللي يرا البلايك متاع" البوبليسيتي"متاع اتصالات تونس يقول هاذم عاملين اوفر ما صارش.وين نمشي و صلاح مصدق و هاك القرضة اللي معاه(نسيت اسم جد بوها) في خليقتي.تقولش عليهم يتبعو فيا.انا الحقيقة شكيت.قلت مادام عاملين ها الفوفعة الكل بالكشي الحكاية المرة هاذي تطلع صحيحة و نوليو نتكلمو ف التاليفون بلوشي.ياخي طلعت بيعة مقطعة كي العادة.قالك تنجم تفيكسي فاتورة التاليفون ع السوم اللي تحبو.اووووووووه يا جد بابا.جبتو الصيد من وذنو.حاسيلو كلاونا بالكلام على حكاية افرغ من فارغة.عيطة و شهود على ذبيحة قنفود
لا.واللي فاتك اغرب.قاللك عاملين زادة "تخفيض"لجماعة الانترنات اللي يستعملو فال256و ال512و ال1ميقا.معناها احنا الزواولة متاع ال128 ما عجبناهمش.اشبينا? ما نقابلوش? تي ماو اعملولنا تخفيض حتى بالكذب
ايا سيدي تعرفش كيفاش? موش لازم.و ملا راحة منكم و من تخفيضكم و لا مزية لعربي كلب
5 commentaires:
lool you are killin me! very bright!
Hi 3lik ya weld el houma, habit inkolek rahou la 'pub' haja lézma alakatér bléch 'pub' el jmé3a elli elfouk (jma3ét DAR EL BARON) ma inajmouch idaklou l'éfflouce donc iwaliou kifna (الزواولة) yok3dou
الزواولة forever.
Nhéb nkolék elli el blog mt3aék yassér tayara alakatér mahouch ki blogéte 99.99% mil Touanssa (manish énbandér:fil mousika a7wali ta3ba)
hi 3lik ya weld el houma. habit énkollélék elli la pub haja vitale lil nass elli el fouk (Jam3ét DAR EL BARON)bish hakkéka yok3édou زواولة الزواولة forever.
el blog mat3ék yassér tayara (concorde mouch mta3 TUNISAIR)
alakatér mahouch ki bloguét 99.99% mil Touansa bogek ya weld el houma farid min naou3ou (manich nbandér: fil mousika a7wali téééééééééé3ba)
bof meme si j'aime pas trop Tuntel avec ses super plans merdiques et son accaparation du marché de l'adsl... mais faut avouer que je profite de cette offre en migrant du 256 au 512 gratos...
comme on dit 5ir min blech...
c'est pas pour autant que je dirais merci tuntel xd
i wish i could read the arabic-
his dialect indeed...
its a pity that i cant understand it and google doesnt help neither...
zek from İstanbul...
Enregistrer un commentaire