الدايم ربي يا فطّارة

تحبّو الرسمي?
"البوسط" هاذا كتبتو تطيير ملام لا اكثر لا اقل, و ماخذة خاطر في برشة قرّاء اوفياء قلت ما يجيش ما نعيّدوش عليهم على خاطر م اللي كبرت ع المهبة (اوبالاحرى م اللي الكبار متاع العايلة ولاّو يسخايلوني كبرت ع المهبة) العيد الصغير ولاّ يضهرلي نهار عادي ياسر.هو كي تجي تشوف هذا تقتاقو و مازال فلاّقو. على خاطر عويّمين تلاثة اخرين نولّي انا بيدي نعطي المهبة.وقتها عاد خوكم ندوّرها تكتيك اخر و انا متاكد كونو فمّا منكم شكون تبّعو على خاطرو "ايفيكاس" ياسر و ساهل ياسر: نغمّ على راسي و نرقد.و هكّاكة حتى فرخ ما يجيني يقلّي عيدك مبروك و يبدى يقحرلي على جنب.و زيد من هوني لاك الوقت هاذاكا المفرخ تولّي تطلب الدوفيز.ما عادش يلعّبهم الدينار متاعنا

حاسيلو.جاب ربي فمّا البقلاوة و كعك الورقة .ما كانش راو العيد تعدّى سلاطة

ايّا ياجماعة كل عام و انتوما حيين بخير